山友樂的出現

很久冇行山喇，上一次都已經係十年前嘅事，今日終於約埋三五知已一齊行下，內心有種莫名嘅興奮，如同讀書時代去秋季旅行一樣。

今日天朗氣清，正係行山的好日子，由於好耐都冇行山，今次將麥理告徑的第一段掉轉行，改為由西灣亭出發，以東霸作終點，一來可以避開不停上山段路，二來喺東霸離開時，交通比較方便d。

雖然有呢個咁周全的計劃，但裝備不太足夠，以至行起上來比較吃力，足足用了五個多小時，才完成整段近十公里的路程，就喺大家都身疲力盡、怨氣沖天時，出現眼前壯麗風景，怨氣全銷了，急忙攞出自己手機不停拍照留念，之前所經歷嘅種種辛苦，全部都拋諸腦後，大家仲不約而同地話要計劃下一次行程，就是這樣'山友樂'隨之而誕生了。

希望藉著行山會友，走遍香港每一個靚景。